Tun hnaia VIDEO ON DEMAND (duh duh huna film en theihna) distributor thangduang leh thang chak em em, film tam tak tana khawvel eng hmuh theihna leh, film ngainatute tana film tha rawn chhawp chhuak thintu chu NETFLIX hi a ni a. Mahse, NETFLIX hian tunhnaiah elpui a rawn nei thar dawn ta nual mai.
Netflix hmasawnna leh sum hmuh tam theihna hi company lian sa leh tha sate chuan an awt ve a ni chek ang chu, tun hnaiah Amazon lam chuan Amzon Prime an rawn ti chhuaka. Apple company leh Disney te pawhin an mahni TV an rawn nei chho dawn ta bawk. Heng mi thar rawn langte hian Netflix hi an rawn nek buai a ngem?
Heti anga hmel thar rawn lang karah hian Netflix CEO Reed Hasting chuan Amazon te angin sports channel an siam loh tur thu a sawia.
Nikumah khan Netflix hian UK bikah $ 500 million an senga, kum tharah a aia tam budget an nei leh dawn niin Hasting hian a sawi a ni.
UK lamah hian Netflix hian studio thar an sak mek thu july thla khan an sawi tawh bawk a ni.
Kumin kum tawp lamah hian Disney leh Apple lam hian an channel thar an tichhuak tan dawna. Heng hmelthar rawn lang tur leh, inelpui tharte nena intihsiakna na hmachhawn turah hian Netflix hian hmalam a pan ang nge, a hnung tawlh dawn?